Cámara de Comercio del Ferrol
a cámara
Eleccións 2010
Proceso electoral
A Cámara de Comercio de Ferrol está inmersa no proceso para a renovación dos seus órganos de goberno.
A Consellería de Economía e Industria, como Administración tutelante, publicou a convocatoria de eleccións no Diario Oficial de Galicia do 15 de febreiro.
A data elixida para a elección dos vogais do pleno é o 22 de abril. Esta elección realizase mediante sufraxio libre, igual directo e secreto entre todas as empresas.
O proceso remata cando o Pleno celebra a súa sesión constitutiva e elixe ao presidente e ao comité executivo da entidade.
A continuación recóllese a información máis relevante relativa ao desenvolvemento do proceso.
Presentación de candidaturas
Do 16 de febreiro ao 4 de marzo poderanse presentar as candidaturas conforme aos modelos que se inclúen nesta web.
Os requisitos para presentarse como candidato son:
- Exercer unha actividade comercial, industrial ou navieira, suxeita ao Imposto de Actividades Económicas.
- Estar incluído no censo electoral dentro do grupo e categoría a cuxa representación se opta.
- Ser maior de idade e non estar inhabilitado pola lexislación electoral xeneral.
- Ter nacionalidade española, dun estado da Unión Europea ou outra nacionalidade en virtude do principio de reciprocidade.
- Levar como mínimo dous anos no exercicio da actividade empresarial.
- Atoparse ao corrente de pago da cota cameral.
Con cada candidatura achegarase a documentación seguinte:
- Certificación da secretaría da cámara na que conste que a persoacandidata reúne os requisitos de elexibilidade.
- Fotocopia do DNI ou pasaporte vixente do candidato ou, no caso das persoas xurídicas, da súa representación.
- No caso das persoas xurídicas, a tarxeta censal.
- Os escritos de apoio á candidatura. Cada candidatura deberá estar apoiada por persoas electoras que supoñan, como mínimo, o 4 % do electorado do grupo correspondente. Se o número de electores fose superior a douscentos será suficiente coa presentación de dez.
Voto por correo
A solicitude de voto por correo deberá tramitarse segundo o modelo normalizado que figura no apartado de formularios e presentarse na secretaría da Cámara, ou enviarse por correo certificado, dentro dos vinte días seguintes ao da publicación da convocatoria electoral.
O envío do voto deberá realizarse coa antelación suficiente para que se reciba antes das 12 horas do día 21 de abril, data anterior á da celebración das eleccións.
Censo electoral
O censo electoral permaneceu á exposición pública desde o 14 de outubro ata o 12 de novembro de 2009 nas oficinas da entidade. Aínda que xa rematou o período para a presentación de reclamacións, os empresarios individuais e as sociedades mercantís poden introducir aquí o seu NIF/CIF para consultar en que grupos e categorías figuran inscritos para participar nas eleccións, en función da actividade que exerzan.
Normativa
- Convocatoria de eleccións
- Decreto 431/2009, do 19 de novembro polo que se aproba o Regulamento de réxime electoral das cámaras oficiais de comercio industria e navegación de Galicia.
- Real Decreto 1133/2007, de 31 de agosto, polo que se modifica o capítulo III do Regulamento Xeral de Cámaras Oficiais de Comercio, Industria e Navegación, que regula o sistema electoral.
- Orde ITC/2019/2009, de 22 de xullo, pola que se declara aberto o proceso electoral para a renovación dos Plenos das Cámaras de Comercio, Industria e Navegación de España e do seu Consello.
Formularios
- Modelo normalizado para solicitude de voto por correo – persoa física
- Modelo normalizado para solicitude de voto por correo – persoa xurídica
- Renuncia ao voto por correo
- Solicitude de tarxeta censal
- Presentación de candidatura - persoa física
- Presentación de candidatura - persoa xurídica
- Documento de apoio a candidatura – persoa física
- Documento de apoio a candidatura – persoa xurídica
Outra documentación de interese
