Cámara de Comercio del Ferrol

Como se financia

Para a realización das súas actividades a Cámara de Comercio conta cos seguintes recursos:

As achegas das empresas: o recurso cameral permanente

Este recurso, que non pode superar o 60% do financiamento da Cámara, está constituído por:

1. O 2% da cota tributaria do Imposto de Actividades Económicas para as empresas que facturen máis dun millón de euros.
2. Unha porcentaxe decrecente por tramos, entre o 0,75% e o 0,01%, da cota líquida do Imposto sobre Sociedades.
3. O 0,15% dos rendementos empresariais declarados no IRPF.

Outros recursos

Proceden, fundamentalmente, da prestación de servizos ás empresas, das subvencións e dos recursos que as administracións públicas destinen a sufragar o custo dos servizos público-administrativos ou a xestión de programas que lle sexan encomendados.

Control dos fondos

Os fondos que manexa a Cámara están sometidos a un triplo control:

• Un control independente de todas as operacións contables e orzamentarias, a través dunha auditoría externa das contas anuais.
• Un segundo control que exerce a Administración tutelante, coa aprobación dos orzamentos anuais e a posterior fiscalización das liquidacións orzamentarias.
• Por último, o control do Consello de Contas de Galicia.