Cámara de Comercio del Ferrol

Que servizos ofrecen?

Por unha parte, nas antenas os empresarios e os emprendedores poden atopar os mesmos servizos que na sede da Cámara de Comercio en Ferrol, entre outros:

• Punto PAIT: constitución de sociedades limitadas.
• Tramitación telemática de declaracións e comunicacións fiscais.
• Formación: cursos, xornadas e seminarios sobre temas de interese e actualidade empresarial.
• Información e orientación sobre axudas e subvencións.
• Asesoramento para crear unha empresa.
• Intermediación laboral: bolsa de traballo para cubrir ofertas de emprego.
• Facilidades para a exportación.
• Atención de consultas sobre comercio interior.
• Apoio a mulleres empresarias.

Ademais, cada unha das antenas constituíu un Observatorio Económico Local para detectar e analizar as necesidades e inquietudes das empresas da zona e así ter un coñecemento próximo á realidade do tecido empresarial que permita establecer as liñas de traballo destas oficinas e promover iniciativas de desenvolvemento económico dos respectivos territorios.

Cada Observatorio está integrado por representantes do Concello e da Cámara, por empresas, asociacións, axentes sociais e expertos de recoñecido prestixio da zona.