Cámara de Comercio de Ferrol

apoio a empresas

Medio ambiente

Desde este departamento, a Cámara traballa para resolver calquera dúbida relacionada coa xestión ambiental nas empresas, para axudalas no cumprimento das súas obrigas nesta materia e para promover un desenvolvemento sostible.

Liña aberta medioambiental

Trátase dun servizo gratuíto que facilita información e proporciona asesoramento a todas as empresas da demarcación desde unha perspectiva legal e técnica.
Ofrece información sobre:

Sistemas de xestión ambiental: contidos da norma ISO 14001 e regulamento EMAS, pasos a seguir na implantación, vantaxes e inconvenientes, empresas acreditadas, etc.
Lexislación ambiental.
Xestión de residuos: caracterización, obrigacións como produtor, listaxes de xestores de residuos, etc.
Outros: información sobre trámites administrativos, axudas e subvencións, enerxías renovables, distintivos ecolóxicos, etc.

Para calquera consulta:
Tel: 981 333165
Fax: 981 333096
medioambiente@camaraferrol.org

Bolsa de Subprodutos

A Bolsa de Subprodutos é unha iniciativa do Consello Superior de Cámaras de Comercio de España que vén funcionando nas distintas comunidades autónomas como un vehículo eficaz para o bo aproveitamento dos residuos xerados polas actividades empresariais.

O obxectivo desta Bolsa é facilitar o intercambio e recuperación dos residuos producidos por algunhas empresas que poden ser utilizados directamente por outras como materia prima ou como substituto de produtos comerciais que son recuperables sen necesidade de someterse a operacións de tratamento.

Funciona a través da inserción de anuncios de oferta ou demanda: as firmas que desexen anunciar ofertas ou demandas de residuos industriais deben cubrir una ficha, na que se especifican unha serie de características do produto. A ficha será enviada á Cámara, que asignará un código a cada solicitude para garantir a confidencialidade do anunciantes.

Ofertas e demandas publícanse na aplicación BES-CAM e nun boletín.

Recibida a solicitude, a Cámara contactará inmediatamente coa empresa para enviarlle a información solicitada pola canle máis apropiada.

Entre os beneficios e vantaxes que supón a utilización da Bolsa cómpre destacar:

Recuperación e reutilización de materias destinadas a eliminación.
Abaratamento dos custos de adquisición de materias primas e de eliminación de subprodutos e residuos.
Orientación sobre novas posibilidades de negocio.
Redución do volume de residuos e subprodutos.
Mellora da calidade do ambiente.

Para más información, puede acceder directamente a la web de la Bolsa de Subproductos Industriais de Galicia

Base de datos de xestores de residuos autorizados

Poñemos á disposición das empresas unha ampla base de datos na que aparecen as empresas relacionadas coa xestión de residuos nas áreas de transporte,tratamento, almacenamento e recollida. Pódense realizar consultas e buscas en función da provincia, residuo, empresa ou actividade.

Normativa

Nesta sección, pódese atopar unha recompilación temática da normativa vixente de ámbito europeo, estatal, autonómico e local.

Guías de boas prácticas medioambientais

As Cámaras de Comercio galegas, co patrocinio da Consellería de Medio Ambiente da Xunta de Galicia, teñen editadas ase seguintes guías:

Cámara de Comercio del Ferrol