Cámara de Comercio del Ferrol

Tramitación telemática de declaracións fiscais

A Cámara, ao abeiro dun convenio subscrito coa Axencia Tributaria, pode presentar telematicamente declaracións e comunicacións fiscais en nome de terceiros.

Deste xeito, ofrece un servizo de información e asistencia a empresarios que facilita e favorece o cumprimento das súas obrigas fiscais utilizando as novas tecnoloxías.

Este servizo préstase tanto nas oficinas centrais da entidade como no viveiro de empresas e nas antenas camerais de Ortigueira e As Pontes para que os empresarios destas comarcas poidan realizar estes trámites sen necesidade des desprazarse.

Entre outras, a Cámara presenta e tramita:

• IRPF: declaracións ordinarias e simplificadas, pagos fraccionados en estimación directa e estimación obxectiva.
• Imposto sobre Sociedades: declaración anual.
• IVE: declaracións e liquidacións.
• Altas, baixas e modificación de datos censais referentes á actividade.
• Interposición de recursos de reposición.
• Impresión de etiquetas identificativas, etc.