Cámara de Comercio del Ferrol

Vendas con desconto

Considérase venda promocional con desconto a que consiste en ofrecer, mediante calquera procedemento publicitario, incluídos os anuncios expostos no propio establecemento, unha redución sobre o prezo aplicado con anterioridade sobe un determinado produto ou grupo de produtos.

Condicións

• A súa finalidade deberá consistir en potenciar a venda de determinados produtos ou no relanzamento dun establecemento que fose obxecto dunha importante remodelación física, o que se deberá acreditar achegando o correspondente proxecto técnico.
• Non poderá incluírse neste tipo de promocións máis do 40% dos artigos (tipos de produto) existentes no establecemento, agás no caso de remodelación.
• O período de duración destas vendas promocionais de determinados produtos será entre un e trinta días. Para os establecementos remodelados o prazo será de tres meses contados desde a data de apertura. En ambos os dous casos, os produtos promocionados non poderán ser obxecto de novas vendas con desconto, agás nos establecementos de alimentación.
• Os anuncios desta modalidade de vendas deberán especificar as regras que se aplicarán e os produtos afectados, agás no caso de establecementos reformados cando teña en promoción máis da metade dos artigos.