Cámara de Comercio del Ferrol

Outros servizos e programas

PAEM

O Programa de Apoio Empresarial ás Mulleres, promovido polas Cámaras de Comercio e o Instituto da Muller, ten como obxectivo erradicar os obstáculos que atopan as mulleres para acceder e consolidarse no mercado laboral, así como sensibilizalas cara ao autoemprego. Este proxecto  conta co cofinanciamento do Fondo Social Europeo e diríxese tanto a emprendedoras como a empresarias.

A través do referido programa, as usuarias poderán beneficiarse de asesoramento especializado por dúas vías:

• Presencial
  A través do gabinete de apoio técnico situado no Viveiro de Empresas da Cámara de Ferrol, onde poderán formular calquera consulta relacionada coa creación e posta en marcha do seu proxecto (formas xurídicas, trámites, axudas e subvencións, préstamos, plans de viabilidade, etc.)
• On-line
  A través da web empresarias.net, con resposta rápida (prazo máximo 48 horas dende a recepción de la consulta) e personalizada a numerosas cuestións derivadas da xestión empresarial.

» Máis información en www.empresarias.net

Centro PIDI

O Centro para o Desenvolvemento Tecnolóxico Industrial (CDTI) é unha Entidade Pública Empresarial, dependente do Ministerio de Industria, Turismo e Comercio, que promove a innovación e o desenvolvemento  tecnolóxico das empresas españolas co obxectivo de contribuír á mellora do seu nivel tecnolóxico. Para a prestación deste servizo, o CDTI posúe unha rede de puntos de información e asesoramento aos que facilita unha serie de ferramentas que contemplan os distintos programas de apoio á I+D+i.

A Cámara de Comercio de Ferrol  forma parte da dita rede. Desta forma, os seus técnicos prestan, no viveiro de empresas, un asesoramento personalizado ás empresas e aos emprendedores sobre as liñas de apoio más convenientes, en función das características dos seus proxectos tecnolóxico-empresariais.

» Máis información: CDTI (www.cdti.es)

CUALIFICACIÓN DE IEBT

A Cámara de Comercio de Ferrol tamén forma parte da rede de técnicos cualificadores de proxectos empresariais de base tecnolóxica da Consellería de Traballo prestando asesoramento e apoio ao emprendedor en todo o proceso de cualificación.

» Máis información en: Iniciativas de emprego de base tecnolóxica (IEBT).